┊转角遇上星Bao°。﹏┊ 陈浩民计划减产 为多见囡囡

42岁的陈浩民，去年7月跟年轻16年的内地模特儿蒋丽莎（Lisa）结婚，年底诞下囡囡雅薷（Elizabeth）。长期在内地搵人仔的浩民，经常跟囡囡分隔两地，见面时间不多，为怕囡囡忘记自己，他会计划减产。撰文：杜淑霞
陈浩民暂时只做了三个月爸爸，但坦言已感到很大分别，觉得责任大了很多，见到囡囡Elizabeth更流露难得一见的慈父样，他笑言见少囡囡一阵都会心挂挂，「佢依家每日都唔同样，见少阵都会错过咗，嗰排喺内地拍剧有成两个几月冇见过佢，佢竟然唔识得我，抱佢仲哭！嗰刻真系好hurt㗎！」
浩民为弥补跟囡囡相聚时间，现在尽量带家人在身边工作，「如果工作环境唔系太差，都会接太太同个囡嚟陪我，因为囡囡迟啲返学，就一定要长时间留番喺香港，到时我可能要减产先得，唯有依家努力啲搵定多啲钱，到时可以拣嘢做，留番多啲时间陪屋企人。」
深刻教训
浩民坦言「陈嘉桓事件」绝对是个深刻教训，将来囡囡长大都会主动跟她讲，如果囡囡有意入行更会跟她痛陈利害，「我会同佢分析条件适唔适合，最重要讲清楚畀佢听，做艺人预咗私生活会好冇自由，佢要承受到呢啲压力先得。」

■浩民坦言囡囡初出生时，怕粗手粗脚整到她，现在已百日大，他放胆亲自凑，餵奶自然驾轻就熟。

■百日大的Elizabeth已相当精灵，以为镜上有另一个BB，对着自己不停讲BB话及傻笑，cute爆。

■Lisa希望囡囡将来有个美好回忆，所以刻意安排在迪士尼摆百日宴，浩民亦相当赞成。

■Lisa经常将兔年出世的囡囡扮成小兔仔，这样可爱的宝宝，难怪浩民对足一日都不会闷。