【爱汤至上】【新闻】汤洛雯与旅游达人洪永城拍摄《走过浮华大…

洪永城劲冧陈茵媺
旅游达人洪永城（Tony）与港姐汤洛雯（Roxanne）到访法国拍摄《走过浮华大地》，二人首度合作即擦出火花！首次担任主持的Roxanne感激Tony倾囊相授，可惜Tony不过电，更自爆被「Mo嫂」陈茵媺冧倒！
洪永城与老拍档黄翠如及Roxanne分途体验英、法生活文化，走惯烽火大地的他笑指最享受是次旅程：「通常要打仗、冇凉冲嘅地方先搵我去。去完法国多咗留意点衬衫，原来法国人对Fashion嘅执着系逐代相传，依家我着件恤衫都会加条丝巾搭吓。」谈到主持技巧，去年夺得「旅游大使」奖的港姐汤洛雯感激Tony的帮助：「开头以为系吃喝玩乐，但Tony教我要去融入当地文化，先可以畀到讯息观众。唔好睇佢平时个样傻傻吓，其实佢每次都做足功课，又有好多独到嘅想法。
初哥拍剧被考起
两人均在外国长大，默契十足，但Roxanne指对方拒绝组成萤幕情侣，原来Tony在新剧《单恋双城》艳福无边！Tony笑说：「陈茵媺对眼好真诚，真系有少少畀佢电亲；林夏薇就畀好多意见我，一句对白都有好多种语气。」他的足迹几踏遍全球，说到拍剧却是初哥，他坦言被难倒：「做主持较少表情，有次导演叫我做个无奈样，我做咗几次都唔收货，只好向同剧拍档偷师。成套剧我望得最多嘅系陈展鹏，次次拍佢大头我都近距离观察佢，然后返屋企对住块镜训练面部肌肉！」
刚加入《爱‧回家》剧组的Roxanne感同身受：「虽然做主持都要交戏，但拍剧多好多技术要学，加上我讲嘢比较快，依家日日读报纸，要练到唔好『食字』。」她表示既爱做主持，又爱拍剧，亦不介意性感示人：「我嘅底线就系冇底线！我选港姐已经着过三点式，但今次法国实在太冻，所以全程包到实！