陈展鹏、李绮雯（o靓妹）今日喺新城做访问，佢哋个新剧《情越海岸线》播映后收视唔错，o靓妹嘅事业线仲比网民将剧名改做《情欲事业线》。
问o靓妹条事业线系咪都帮到收视？o靓妹即笑言：「唔系嘅，系海岸线，唔系事业线。」讲到无线之前两套剧都收视不滞，问佢哋系咪对《情》剧有著数？展鹏话其实佢哋都系尽力拍。
提到无线唔少艺人似有意离巢返内地搵银，展鹏话每个人有自己想法，唔系公司唔放人，佢系想喺度做好自己先。问佢系咪人工好高？佢即刻话：「我好低人工。」o靓妹被问系咪唔同无线续约，佢就拿拿临澄清话：「唔系呀，我份约有排呀，可能有少少误会，我会继续拍tvb剧，仲有好多年拍。」
