ihktv
据悉，被视为无线台庆颁奖礼前哨战的马来西亚Astro颁奖礼於12月1日举行，据知j凭《冲上云霄II》人气急升的无线「非亲生仔」张智霖(Chilam)，由於特意请假出席撑场，故盛传视帝宝座已十拿九稳，另亦有指他很大有机会於12月16日举行的无线台庆颁奖礼上再下一城夺视帝。而Chilam与无线关系日趋紧密，除已落实答允明年合作《冲》剧电影版外，有指无线方面已与他达成协议，明年再归队拍剧。
Chilam接受电话访问说：「我系会出席Astro喎！因为11月30日我会喺马来西亚举行演唱会，都系留多一日啫！（TVB搵你再拍剧？）系有咁的打算，倾过吓，如无意外会系出年下半年的时装剧。成件事双赢又冇负面因素产生喎！咁点解唔做呢？（听讲你今年攞硬视帝。）奖项我多多都欢迎，但平常心啦！（你唔系亲生仔都对你咁好？）如果成真，咁咪证明佢哋公平罗！（唔惊畀人话拍剧换奖？）乜有得换咩？我以前年年都拍一套，又唔见颁个奖畀我？哈哈！」
同样凭《冲上云霄II》人气急升的吴镇宇，则谦称未收到Astro方面邀请，并大方向张智霖送上祝福：「祝Chilam旗开得胜啦！其实唔系咁多颁奖礼邀请我出席，即系证明我还需努力罗！（无线视帝有冇信心？）我觉得机会唔大，但无论如何TVB系我母校，我出年都会返去拍剧。」
此外，同是大热之一的黎耀祥坦言看好Chilam及吴镇宇，提到Chilam不是无线亲生仔，他说：「呢样嘢唔重要，最紧要观众认同。」问到台庆颁奖礼有没有信心？他说：「普通啦！都系睇大家反应，始终佢哋嗰部《冲上云霄II》系大制作。（蚀底啲？）少少蚀底啦！佢哋套剧的而且确各样都好受落。」