广州，只有一支广州队。无论乜嘢时代乜嘢体制下，只有呢支广州队——依家嘅广州恒大，自始至终，根，都喺广州。
广州城欢唔欢迎另一支球队？可能无所谓，但对象一定唔系依家嘅富力。唔知“渝沈之战”嘅人，请你收声！
嗰啲吹捧“广州富力”系为“广东足球”做贡献嘅人，第一，唔该你先去了解“渝沈之战”，了解呢支球队系点样伤害“广州足球”、“广东足球”，你将“广州富力”叫广州队，呢啲认贼作父嘅行为，面皮薄啲都做唔到。第二，唔该你哋嘅思想更新一下，乜嘢系职业足球。第三，呢两年嘅越秀山“打比”，我哋误会忘记呢支鸠占鹊巢嘅球队畀广州队球迷区600 同450 张球票。小人所为，却想收获人心，简直痴人说梦！
睇足球咁多年，有无听过，AC米兰同国际米兰系为“米兰足球”作贡献？有无听过，祖云达斯同拖连奴系为“都灵足球”作贡献？有无听过，利物浦同爱华顿系为“默西塞德足球”作贡献？有无听过，西维尔同皇家毕迪斯系为“塞维利亚足球”作贡献？有无听过，小保加同河床系为“布宜诺斯艾利斯足球”作贡献？有无听过，曼联同曼城系为“曼彻斯特足球”作贡献？有无听过，拉素同罗马系为“罗马足球”作贡献？有无听过，汉堡同云达不莱梅系为“汉堡足球”作贡献？有无听过，多蒙特同史浩克04系为“鲁尔区足球”作贡献？有无听过，拜仁慕尼黑、慕尼黑1860、弗赖堡系为“巴伐利亚州足球”作贡献？有无听过，皇马、马德里体育会、基达菲、华拉度列、华历简奴系为“马德里足球”作贡献？有无听过，车路士、阿仙奴、热刺、韦斯咸、富咸、水晶宫、昆士帕流浪系为“伦敦足球”作贡献？有无听过，佛兰明高、富明尼斯、华斯高达伽马、保地花高系为“里约热内卢足球”作贡献？有无听过，山度士、圣保罗、彭美拉斯、哥连泰斯系为“圣保罗足球”作贡献？
广州，同城，可能有打比，但有且只有一支广州队，另一队，只系不知所谓、认贼作父、客家占地主嘅球队。