黎耀祥苏玉华 心照神交
2014/08/24
祥仔与阿苏话题不绝。
阿苏不经不觉已在演艺圈打滚十多年。
阿苏与祥仔十多年前已合作。
黎耀祥与苏玉华再度拍档毫不费力。
祥仔不讳言演戏只是打份工，搵餐饭食。
黎耀祥与苏玉华拍档演无线新剧《载得有情人》，这个组合屈指一算原来已相隔十四年。二人言谈间发现这个事实，不禁惊讶时日飞逝。各自在艺坛耕耘，再度合作，阿苏笑言没有演技上的比并，反而是更多的体验与交流，感受到祥仔演技的质朴。而祥仔亦指今次与阿苏一拍即合，与这位拍档合作毫不费力。
祥：黎耀祥
苏：苏玉华
祥：我钟意生活实在嘅感觉，就连平时饮茶食饭都会留意啲侍应，坐车就会留意司机，今次就揸小巴。
苏：仲做埋我私人司机添！
祥：其实揸小巴都好得意，今次要揸车、要面对生活，又遇到个咁麻烦嘅女人，会点呢？我哋都畀戏剧规范咗、电影化咗，如果演一个侍应就要好有礼貌，其实佢系咪好有礼貌呢？
苏：我自己演戏时，好多时都会尝试实现自己嘅谂法。
祥：我会去观察佢哋，发掘背后嘅想法，相信系大家认为我演草根角色好睇嘅原因。
注入灵魂
阿苏笑言每个角色都有苏玉华的存在，亦因此助她投入角色。对於演戏，阿苏仍希望继续精进，对自己每次的表现都充满期待。
苏：个角色嘅背景系我冇嘅嘢，大富大贵嘅屋企，做CEO嘅能干爸爸，浸咸水、高学历，仲有一个好好嘅男朋友。
祥：你投诉紧你男朋友？
苏：我都有一个好好嘅男朋友！佢系一个冷静、质朴嘅人，崇尚自然嗰种女仔，呢部分系似我，但佢唔愿意面对自己嘅生活，就唔似我嘞。
祥：演咗出嚟一样就惨啦！
苏：我希望变成一个可以多样化啲嘅人，而自己同角色之间嗰条桥梁，系我演戏时要搵嘅嘢。
祥：每个角色始终系发掘紧啲唔系属於你嘅嘢，亦因为咁出咗去个安全位置，但好多演员都停咗喺度，变成只有「本色」嘅演员。
演戏搵食
阿苏在演艺圈十多年，从合作夥伴的身上获益良多，更希望能一一访问欣赏的艺人，承传宝贵的经验。问阿苏会如何访问祥仔？祥仔立即自问自答。
祥：梗系问：「做乜鬼嘢演戏！」
苏：咁你演戏最大得着系乜？
祥：搵到两餐。我系冇大志嘅人，搵到食就得喇。
苏：应该唔止呢啲。
祥：一言难尽，最大得着系补充自己嘅人生空白，每个人天生有啲嘢冇咗，大家都会搵嘢去填补，每个人都唔同，而我系靠演戏去填满。
苏：细个都冇梦想要做乜？
祥：冇o架，我系冇梦想嘅人。
苏：作文堂要交功课喎，我就会作大啲！
活在当下
二人谈梦想、谈兴趣、谈演戏，祥仔不讳言演戏只是打份工。面对生活变化仍能不受拘束，祥仔追求的，是随遇而安的生活。
祥：好似要小朋友喺标签为「好」嘅职业中选梦想。
苏：大个睇番，我都唔系要做呢啲，我会想去派吓牛奶都好喎，咁小朋友咪有奶饮罗。我仲有谂过不如做赛车手，因为我好钟意揸车o架。我钟意收信，亦都有谂过做邮差，系一件好浪漫嘅事。
祥：但朝朝返工都四围走，仲要日晒雨淋，仲会唔会有浪漫感觉？
苏：可能未必会有，但系现实生活当中见到有人系乐在其中，尊重自己嘅工作同埋搵到乐趣，我都好享受现在嘅生活。
祥：而我觉得仲搵紧，系咪乐在其中？我觉得OK，我冇乜好具体嘅兴趣，唔似你钟意去学好多嘢，可以令自己好忙。我觉得自己冇话有一条行开嘅路，或者「习惯」。同屋企人食吓饭，睇吓电视，睇吓《载得有情人》，我觉得系随遇而安。
苏：之前有位做开电视嘅朋友早排去试舞台剧，佢好肯定咁同我讲：「我终於知道我唔系钟意舞台，而系享受拍摄。」系我最近嘅一个有趣发现。
祥：我都唔肯定自己钟意舞台，以前都做过《雷雨》，但试完后冇咩感觉。但我自问系享受演戏、享受经过嘅。
滔滔不绝
访问前一天，祥仔为新剧《枭雄》开工至深夜五时而略显疲惫，但可以感受到他对演戏如何全力以赴；而阿苏则神采飞扬现身。对生活抱有与演戏相同的热诚，二人有讲有笑，言谈间不时停顿思考，并不是未有做好准备，而是他们对表演以及生活，实在是有太多的感受与经验希望与你分享。
苏玉华
发型：Renton Hung via il colpo
化妆：Winki Tsang
服装：Loom Loop PMQ, HAK PMQ
配饰：Coney and Co. PMQ
场地：千禧新世界香港酒店 La Table
笔录：影视组
摄影：李柏儒
2014/08/24
祥仔与阿苏话题不绝。
阿苏不经不觉已在演艺圈打滚十多年。
阿苏与祥仔十多年前已合作。
黎耀祥与苏玉华再度拍档毫不费力。
祥仔不讳言演戏只是打份工，搵餐饭食。
黎耀祥与苏玉华拍档演无线新剧《载得有情人》，这个组合屈指一算原来已相隔十四年。二人言谈间发现这个事实，不禁惊讶时日飞逝。各自在艺坛耕耘，再度合作，阿苏笑言没有演技上的比并，反而是更多的体验与交流，感受到祥仔演技的质朴。而祥仔亦指今次与阿苏一拍即合，与这位拍档合作毫不费力。
祥：黎耀祥
苏：苏玉华
祥：我钟意生活实在嘅感觉，就连平时饮茶食饭都会留意啲侍应，坐车就会留意司机，今次就揸小巴。
苏：仲做埋我私人司机添！
祥：其实揸小巴都好得意，今次要揸车、要面对生活，又遇到个咁麻烦嘅女人，会点呢？我哋都畀戏剧规范咗、电影化咗，如果演一个侍应就要好有礼貌，其实佢系咪好有礼貌呢？
苏：我自己演戏时，好多时都会尝试实现自己嘅谂法。
祥：我会去观察佢哋，发掘背后嘅想法，相信系大家认为我演草根角色好睇嘅原因。
注入灵魂
阿苏笑言每个角色都有苏玉华的存在，亦因此助她投入角色。对於演戏，阿苏仍希望继续精进，对自己每次的表现都充满期待。
苏：个角色嘅背景系我冇嘅嘢，大富大贵嘅屋企，做CEO嘅能干爸爸，浸咸水、高学历，仲有一个好好嘅男朋友。
祥：你投诉紧你男朋友？
苏：我都有一个好好嘅男朋友！佢系一个冷静、质朴嘅人，崇尚自然嗰种女仔，呢部分系似我，但佢唔愿意面对自己嘅生活，就唔似我嘞。
祥：演咗出嚟一样就惨啦！
苏：我希望变成一个可以多样化啲嘅人，而自己同角色之间嗰条桥梁，系我演戏时要搵嘅嘢。
祥：每个角色始终系发掘紧啲唔系属於你嘅嘢，亦因为咁出咗去个安全位置，但好多演员都停咗喺度，变成只有「本色」嘅演员。
演戏搵食
阿苏在演艺圈十多年，从合作夥伴的身上获益良多，更希望能一一访问欣赏的艺人，承传宝贵的经验。问阿苏会如何访问祥仔？祥仔立即自问自答。
祥：梗系问：「做乜鬼嘢演戏！」
苏：咁你演戏最大得着系乜？
祥：搵到两餐。我系冇大志嘅人，搵到食就得喇。
苏：应该唔止呢啲。
祥：一言难尽，最大得着系补充自己嘅人生空白，每个人天生有啲嘢冇咗，大家都会搵嘢去填补，每个人都唔同，而我系靠演戏去填满。
苏：细个都冇梦想要做乜？
祥：冇o架，我系冇梦想嘅人。
苏：作文堂要交功课喎，我就会作大啲！
活在当下
二人谈梦想、谈兴趣、谈演戏，祥仔不讳言演戏只是打份工。面对生活变化仍能不受拘束，祥仔追求的，是随遇而安的生活。
祥：好似要小朋友喺标签为「好」嘅职业中选梦想。
苏：大个睇番，我都唔系要做呢啲，我会想去派吓牛奶都好喎，咁小朋友咪有奶饮罗。我仲有谂过不如做赛车手，因为我好钟意揸车o架。我钟意收信，亦都有谂过做邮差，系一件好浪漫嘅事。
祥：但朝朝返工都四围走，仲要日晒雨淋，仲会唔会有浪漫感觉？
苏：可能未必会有，但系现实生活当中见到有人系乐在其中，尊重自己嘅工作同埋搵到乐趣，我都好享受现在嘅生活。
祥：而我觉得仲搵紧，系咪乐在其中？我觉得OK，我冇乜好具体嘅兴趣，唔似你钟意去学好多嘢，可以令自己好忙。我觉得自己冇话有一条行开嘅路，或者「习惯」。同屋企人食吓饭，睇吓电视，睇吓《载得有情人》，我觉得系随遇而安。
苏：之前有位做开电视嘅朋友早排去试舞台剧，佢好肯定咁同我讲：「我终於知道我唔系钟意舞台，而系享受拍摄。」系我最近嘅一个有趣发现。
祥：我都唔肯定自己钟意舞台，以前都做过《雷雨》，但试完后冇咩感觉。但我自问系享受演戏、享受经过嘅。
滔滔不绝
访问前一天，祥仔为新剧《枭雄》开工至深夜五时而略显疲惫，但可以感受到他对演戏如何全力以赴；而阿苏则神采飞扬现身。对生活抱有与演戏相同的热诚，二人有讲有笑，言谈间不时停顿思考，并不是未有做好准备，而是他们对表演以及生活，实在是有太多的感受与经验希望与你分享。
苏玉华
发型：Renton Hung via il colpo
化妆：Winki Tsang
服装：Loom Loop PMQ, HAK PMQ
配饰：Coney and Co. PMQ
场地：千禧新世界香港酒店 La Table
笔录：影视组
摄影：李柏儒
