【匆匆那年】菲已离港

王菲噚晚着得靓靓出席好姊妹刘嘉玲49岁生日派对，不过男友谢霆锋就冇现身，今早锋菲两人前后脚现身机场，阿菲早上九点几由赵薇寓所出车，佢同爱郎分开两部车到机场。
王菲约十点十五分到机场，问到王菲噚晚嘉玲生日派对好唔好玩？系咪同霆锋返北京？有指霆锋想签童童（窦靖童）做歌手？婷婷（谢婷婷）好想见你？面对传媒连串问题，王菲都冇回答，其间佢拎部手机出嚟，现场有记者想影佢手机屏幕，但被阿菲助手发现，佢即刻将手机放喺心口，然后入闸。
约15分钟后，霆锋亦现身机场，问到佢点解冇去嘉玲派对？系咪阿菲一齐返北京？霆锋只系简单讲句喺嗰边有个event，至於问到系咪想签童童做歌手？霆锋就冇答。由於机场有好多行李车，霆锋亦细心叫记者小心睇车，之后佢微笑入闸。[图片]暂时未有图片