借「伤口」去演戏
今年已拿下新加坡和马来西亚视后的阿佘，指如果再下一城就锦上添花，但阿佘认为得不到视后也没所谓。对於从未拿过视后的子珊，亦表示志不在奖，「奖系攞唔晒嘅，攞咗一个就要攞第二个，呢个世界咁多颁奖礼，唔想无止境去追求呢样嘢，要追，就追求演技同知识上嘅进步。」 其实子珊在《再战明天》的角色亦十分多内心戏，「角色有童年伤疤，所以我都攞咗我童年一啲伤口去演，因为我屋企由细到大都用籐条、衣架打我，细个冇为意觉得好正常，但到依家仲会记得， 呢样嘢无论系正面定负面对成长系会有影响。」
自阿佘回巢拍《使徒》时，巧合地与子珊同属一个经理人，子珊表示十分遗憾还未有机会向阿佘学习，而阿佘亦希望跟子珊做戏，两人希望一齐演一部女人戏，阿佘说：「好似《女人俱乐部》咁嘅女人戏啦，有晒咁多个花旦一齐拍，好似《金枝欲孽》嗰阵时咁，我哋几个女仔表面竞争得好激烈，其实私下合作得好开心、愉快，不过一入片场就真系真功夫去『链过』㗎！好好玩 。」
子珊即点头说：「系呀，女人戏好，多啲机会大家互动，如果唔系佢又同其他男仔谈情说爱，都唔系同我拍嘅，咁就搞唔掂。」

剧接剧顶唔顺
至於一入行便歌、影、视三线发展的子珊则坦言只想继续作多线发展，从来冇想过将重心偏向哪一方，「因为我好Enjoy演戏，又可以Make a living（生活到），仲想点啫？做人唔可以咁贪心， 唔可以每样嘢都系你，以我呢个条件嘅人，得到嘅嘢已经好多。」今个暑假去了纽约上演戏班的子珊，坦言拍戏久了，连思维都会掏空，「演戏多，觉得唔够嘢用，想再进步就要增值，近年自己减咗产，想重质素，希望花时间去准备角色，对我嚟讲剧接剧我应付唔到，其实唔使拍咁多，想好似阿佘咁返嚟拍一套就中。」谈到下一个10年，她笑言是时候发展副业，「近年我开始玩瑜伽，对心灵上嘅嘢好有兴趣，好似催眠、佛学咁，我都有睇呢方面嘅书，我都钟意读书，或者半年读书，半年演戏啦！」

寻找另一半
然而，女人最后都希望找个好归宿，阿佘说：「一个完美人生，当中包含成长、事业、家庭、子女， 先为之一个完整生命，只不过我放咗大部分时间喺事业，缩短咗家庭生活，但我相信我会搵到、会遇到，仲有憧憬！」
此时子珊已开到口大呼恨嫁！不过那麼出色的两位女性，竟然还是单身，难道是要求太高？子珊叹道：「我信命，相信每个人条路唔同， 我唔知婚姻系咪最适合我，但我会钟意有家庭。（听落成个小女人一样喎！）我都偏向小女人，我钟意听老公话，钟意倚靠。（钟意哪一类型的男士？）我唔要呢一行，因为我钟意嘅人又可以仰慕佢，喺每日都可以话到啲新鲜嘢畀我听，同埋成熟、照顾到我罗，不过依家遇唔到，唔好强求。」阿佘认为：「爱情要嚟，挡都挡唔到。唔嚟，拉都拉唔番，讲缘分。」而她所想的另一伴条件亦是十分简单：「沟通到系最紧要，人系独立个体，冇可能两个思想完全一致，但大方向相同已经OK，最紧要相处得舒服，同埋可以做返自己，因为相处一世。」如果两位开到声搵男友，由电视城排队排到尖沙咀啦！