网页资讯视频图片知道文库贴吧地图采购
进入贴吧全吧搜索
壮文吧 关注：2,623贴子：317,590

Ngoenzngoenz Guhfwen ！ 天天山歌

只看楼主收藏回复


Diep neix cien guhfwen ,
Baenzlawz dwen mbouj luenh ;
Soucomz naeuz gagcuenh ,
Cungj cuengq daeuj caez vuen .

Seiqlengq gij raemxreij ,
Daeuj neix gap baenz vaengz ;
Beixnuengz haemzbaengzlaengz ,
Caez hoengh daeng fwencuengh .

Ngoenzngoenz daeuj guhfwen ,
Ronghndwen buenx ndaundeiq ;
Ngoenzngoenz daeuj guhbeij ,
Ndaundeiq buenx ronghndwen .
来自Android客户端1楼2015-09-13 15:04回复
    Ok haw cawx dinmou ,
    Youzcaih sou haibak ;
    Haeuj ndoeng bae ra mak ,
    Geijlai dat cungj benz .
    来自Android客户端2楼2015-09-13 15:05
    回复
      Raen vunz gwn maksoemj ,
      Naiz hwnj naemj daengz fwen ;
      Caih de ak naeuz lwnz ,
      Raeuz ciuq dwen caemzangq .
      来自Android客户端3楼2015-09-14 12:51
      回复
        ndaejnyi bouxlaux gangj , rox ciengq fwen couh miz sau maij lai , mij rox dwg dahraix lwi？
        IP属地:广西来自Android客户端4楼2015-09-14 18:03
        收起回复
          Ngoenzngoenz fwen,
          Lau rox wen rox mbwq;
          Oemq laeujndwq,
          Gag swhyienz cij baenz.
          IP属地:广西5楼2015-09-14 21:35
          收起回复
            Guhfwen mij vunz caeuq,
            Gwn haeux mbouj miz ngaiz;
            Dawh dog cuengq gwnz daiz,
            Mwngz ak lai cix sawj.
            IP属地:广西6楼2015-09-15 07:52
            收起回复
              Makbug nuengx ndwenbet ,
              Aen aen set youh hung ;
              Langh ndaej aeu daengz fwngz ,
              Lumj bya bungz raemxmboq .
              Set/Gvai
              来自Android客户端7楼2015-09-15 18:36
              收起回复
                Raeuz guh mbaj ciuz va,
                Gaej guh bya deuz mboq;
                Miz sim daeuj doxcoh,
                Gaej baez lox cix deuz.


                IP属地:广西8楼2015-09-16 07:21
                收起回复
                  Makbug nuengx luenzdoek ,
                  Cibcoek hung youh gvai ;
                  Mwngz mbat byaij ok gai ,
                  Vunz ndwnj naiz gyiggyig .
                  来自Android客户端9楼2015-09-16 18:08
                  收起回复
                    Haetromh bae ra youx ,
                    Naz haeux raiz caengz roengz ;
                    Naemj daeuj cimz lauxdoengz ,
                    Haiz daenj loeng mbouj rox .
                    来自Android客户端10楼2015-09-17 12:50
                    收起回复
                      Ban'haet ndawdoengh hwnq mokgyumq ,
                      Va'haeux sumhhom caen ndangsoeng ;
                      Dahnuengxgimfungh henznaz soengz ,
                      Gvai doengz sausien daj mbwn daeuj .
                      来自Android客户端12楼2015-09-18 15:09
                      回复
                        Guhfwen gangj gamjcingz ,
                        Mbouj cingdoeng hix ndaej ;
                        Caenh aeu miz seiq gawq ,
                        Caih de faex rox rum .
                        来自Android客户端13楼2015-09-19 13:38
                        回复
                          Seizcou doekfwn dumz byomgyaeuj ,
                          Ban'haet soengq nuengx daeuj hwnjci ;
                          Caenh haemz ngoenz caemhyouq mbouj raez ,
                          Saedceij dauqraen gyae ranghrangh .

                          Ngoenzneix biekbae hoj doxngeix ,
                          Ndwenngoenz daegbeix gwn mij ninz ;
                          Mbwn sat haij gud raeuz caemh sim ,
                          Aeu gim mbouj vuenh seiz mwngz dauq .
                          来自Android客户端14楼2015-09-20 13:16
                          回复
                            @ daegcuengh
                            Ngoenzngoenz fwen,
                            Mwngz gag dwen gag rox;
                            Gij dwgrengz sin'hoj,
                            Cij ndaej coq ndaw sim.


                            IP属地:广西15楼2015-09-20 21:50
                            收起回复
                              Mbaw roz youq ndaw daemz ,
                              Vunz gaem gvaek vet ngaeux ;
                              Bi youh yaek daengz gyaeuj ,
                              Ngoenzmaz souj raen mwngz ?
                              来自Android客户端16楼2015-09-21 18:33
                              收起回复

                                扫二维码下载贴吧客户端

                                下载贴吧APP
                                看高清直播、视频！
                                发表回复
                                发贴请遵守贴吧协议及“七条底线”贴吧投诉
                                内  容:
                                  查看全部
                                发 表
                                保存至快速回贴