好多嘢唔到你冧噶 并唔系你想象中咁简单 做事之前要考虑后果 唔系话黑仔 你又唔系冇做 冇做被冤枉先叫黑仔喈 要面对噶 要去承担责任 养到你咁大了 唔好随便就话要离家出走 要生要死
好多事往往系你身边d人最易害你
唔到你唔信噶 到你后悔个阵已经迟啦 你后悔个阵宜家冇弯转啦 后悔都冇用了 一而再再而三系咁 我仲有乜好讲 生性d啦 你唔做唔掂唔搞咁多嘢 边会有咁多嘢发生 你系不知廉耻 不知悔改
你永远唔知下一秒会发生咩 哩个年纪最紧要系读书 而唔系揾钱 我都帮你铺好条路了 你宜家搞成咁 叫我点帮你
大把人为咗搞你处心积虑 一年两年对你好 最后扇你一锅嘅都已经足够啦 往往一锅都够搞到你以后翻唔到身了 我地输唔起啊 我地行咗咁耐每一步都十分谨慎 如果万一有咩行岔踏错都唔可能走到宜家哩步 你以为你老豆系校长咩 稳咁多麻烦俾我地 就算系校长咁都唔得噶 一个月一锅 一次比一次劲 锅锅都新鲜 我丢咗几十万俾你去读书 你连个高中毕业证都俾唔到我 你话我几失望啊 读十几年书 准备成功了偏偏哩个时候出单野 我最多唔怨你扎 最多当几十万丢咗入咸水海咯 从小学到高中我地都俾我地能力以内最好嘅条件俾你 你宜家咁真系败家仔 我地祖祖辈辈从来都未试过话有咁坏嘅 我地家庭都冇 乜衰野你都做齐晒 你到底仲有几多野瞒住我地噶 乜都俾你玩齐晒啦 就差食白粉喈 如果你食白粉 我就当冇咗哩个仔咯 我唔洗你稳到几多钱 如果你宜家出去工作 你可以养活自己有餐饭食就足够了 你冇可能话系屋企白食饭噶 当然我最想你都系继续读书 考完高考学车 跟住大学四年 等你毕业就安排工作俾你 我同人地讲我个仔大学本科毕业 有咩工作介绍下 咁都有面啦 到时如果有条件再同你买台车买间屋你话几好啊 唉
我嘅梦想系搞个藏品馆 宜家我都努力紧 如果到时你稳到钱咯 丢两三百个过来话老豆摞去搞个展览馆啦 咁几好啊
我就希望你以后往金融同计算机网络方面发展 我好睇好宜家互联网噶 不过宜家你仲未系时候 宜家最关键系读好书 切记唔可以做违法的事 唔可以做违背道德的事 如果你搞项目做生意要打本 我以后都可以俾你