進場最感動 楊愛瑾冧爆讚老公靚仔
from:ONCC
2016年04月30日 16:29
鄧麗欣(左圖左)同吳雨霏(左圖右)不斷向新娘子楊愛瑾送上香吻。
今日係藝人楊愛瑾(Miki)與永安太子爺郭永淳的大喜日子,兩人下午在香港深水灣鄉村俱樂部舉行cocktail party,宴請親朋好友到場,現場約有30個記者採訪。
問到兩個好姊妹送了甚麼禮物?Stephy即笑言送了kiss,隨即與吳雨霏作狀錫錫Miki,記者即噓爆:「咁咋?」Stephy即謂這個姊妹之吻好珍貴,但就不肯透露送了甚麼。
愛的宣言「放喺心」
問Miki和老公可有講甚麼愛的宣言?她表示沒有:「放喺心度。」她亦表示婚後會繼續工作:「一切如常,只係名份唔同咗,但未必係我一個人決定,要同對方商量。(老公點樣打動你?)最主要都係靚仔。」
受訪為時十分鐘
問到之後可會在外地搞婚禮?她表示:「今日呢壇嘢搞掂咗先諗其他。(想去邊度搞?)邊度都得,度度都得。(3星期後搞?)盡量搞埋今日呢個先。」Miki又表示婚禮最感動是進場時:「我忍住唔喊,因為一揭起頭紗見到喊晒好似好奇怪,但宣誓嗰陣都喊咗。(老公有冇喊?)冇,大家知大家心意,唔使一定喊。」三人逗留接受訪問約十分鐘便離開,並返回場內。
鄧麗欣唔肯透露送咗咩畀新娘子。
吳雨霏(右)送香吻之餘,仲要單眼。
結婚咁開心,梗係要派利是啦。
from:ONCC
2016年04月30日 16:29
鄧麗欣(左圖左)同吳雨霏(左圖右)不斷向新娘子楊愛瑾送上香吻。
今日係藝人楊愛瑾(Miki)與永安太子爺郭永淳的大喜日子,兩人下午在香港深水灣鄉村俱樂部舉行cocktail party,宴請親朋好友到場,現場約有30個記者採訪。
問到兩個好姊妹送了甚麼禮物?Stephy即笑言送了kiss,隨即與吳雨霏作狀錫錫Miki,記者即噓爆:「咁咋?」Stephy即謂這個姊妹之吻好珍貴,但就不肯透露送了甚麼。
愛的宣言「放喺心」
問Miki和老公可有講甚麼愛的宣言?她表示沒有:「放喺心度。」她亦表示婚後會繼續工作:「一切如常,只係名份唔同咗,但未必係我一個人決定,要同對方商量。(老公點樣打動你?)最主要都係靚仔。」
受訪為時十分鐘
問到之後可會在外地搞婚禮?她表示:「今日呢壇嘢搞掂咗先諗其他。(想去邊度搞?)邊度都得,度度都得。(3星期後搞?)盡量搞埋今日呢個先。」Miki又表示婚禮最感動是進場時:「我忍住唔喊,因為一揭起頭紗見到喊晒好似好奇怪,但宣誓嗰陣都喊咗。(老公有冇喊?)冇,大家知大家心意,唔使一定喊。」三人逗留接受訪問約十分鐘便離開,並返回場內。
鄧麗欣唔肯透露送咗咩畀新娘子。
吳雨霏(右)送香吻之餘,仲要單眼。
結婚咁開心,梗係要派利是啦。