【图片】溫拿要和太極開音樂會啦！

溫拿聯同太極樂隊拍攝音樂會海報，至於兩對樂隊一齊拍攝，當中校長譚詠麟要企上一個木箱上拍攝，他笑言：「第一次要企木箱，可能要遷就一啲角度。」現場阿倫又笑彭健新似是來自護老院的長者，又笑他下垂，健仔即挺胸證明他是堅挺的，阿B鍾鎮濤即拍健仔胸口說：「好有少女風味。」
而音樂會將明年1月7日在亞洲博覽館開show，五虎表示與太極是首次正式同台開騷。說到到時有11名「麻甩佬」同台？阿倫說陽氣好重。會否交換主音樂演唱？阿B說：「你哋諗到嘅，同諗唔到嘅，都會做，仲有肯肯舞，不過我哋唔會跳啫。」問到可會「操吓」身段？阿倫即「有味」笑言：「都好『粗』吓喎，仲要操？」