【歌曲】心内有针-萧煌奇【闽南语吧】

闽南语吧关注：39,272贴子：958,872

7回复贴，共1页

【歌曲】心内有针-萧煌奇

视频来自：优酷

心内有针 
sim lāi ū tsiam 
萧煌奇 
siau hông kî 
幸福亲像最后一班 
hīng-hok tshin-tshiūnn tsuè āu tsi̍t pan 
咱赶未赴的火车 
lán kuánn buē hù ê hué tshia 
只有月光寂寞泼落伫涂跤
 tsí ū gue̍h-kng sioh bo̍k phuat lo̍h tǐ thôo kha 
汝讲拢是我误会
 lí kóng lóng sī guá gōo huē 
毋是汝变卦，本来就无爱 
m̄-sī lí piàn-kuà pún-lâi tiō bô ài 
这句话使侬足心疼 
tsi̍t kù uē sú lâng tsiok sim thiànn 
是谁感动感谢我，做汝的雨伞 
sī siâng kám-tōng kám-siā guá tsò lí ê hōo-suànn 
汝睏袂去的暗暝 
lí khùn buē khì --ê àm-mî 
电话内为汝唱的歌 
tiān-uē lāi uī lí tshiùnn --ê kua 
我予汝真情，但汝还我孤单 
guá hōo lí tsin-tsîng tān lí hâinn guá koo tuann 
我的心内有针欲喝煞无声 
guá --ê sim lāi ū tsiam beh huah suah bô-siann 
目睭起着大涌叫我莫眠梦 
ba̍k-tsiu khí tio̍k tuā íng kiò guá mài bîn-bāng 
胸坎留着汝的芳 
hing-khám lâu tio̍k lí --ê phang 
双手捌有汝来靠岸 
siang tshiú pat ū lí lâi khò huānn 
虽然一场空，嘛已经有价值 
sui-jiân tsi̍t tiûnn khang mà í king u kè ta̍t 
我的心内有针欲喝煞无声 ̄
guá --ê sim lāi ū tsiam beh huah suah bô-siann 
原来咱爱一个侬苦劝无较差 
guân-lâi lán ài tsi̍t ê lâng khóo khǹg bô khah tsua̍h 
别侬的话拢毋听 
pat lâng --ê uē lóng m̄ thiann 
一心戆戆陪汝行 
it sim gōng-gōng puê lí kiânn 
爱是倔强的情歌 
ài sī ku̍t kióng --ê tsîng-kua 
 风沙对面佇咧割 
hong sua tuì bīn tī --leh kuah 
嘛拢无感觉 
mà lóng bô kám-kak 
希望亲像玻璃窗 
hi-bāng tshin-tshiūnn po-lê thang 
予汝一句话雄雄拍破 
hōo lí tsi̍t kù uē hiông-hiông phah phuà 
明明就有伤，若阁恬恬徛伫遮 
bîng-bîng tiō ū siong nā koh tiām-tiām khiā tī tsiah 
我的心内有针欲喝煞无声 
guá --ê sim lāi ū tsiam beh huah suah bô-siann 
目睭内起着大涌叫我莫眠梦 
ba̍k-tsiu khí tio̍k tuā íng kiò guá mài bîn-bāng 
胸坎留着汝的芳 
hing-khám lâu tio̍k lí --ê phang 
双手捌有汝来靠岸 
siang tshiú ū lí lâi khò huānn 
虽然一场空，往事已经有价值 
sui-jiân tsi̍t tiûnn khang óng-sū í king ū kè ta̍t 
我的心内有针欲喝煞无声 
guá --ê sim lāi ū tsiam beh huah suah bô-siann 
原来咱爱一个侬苦劝无较差 
guân-lâi lán ài tsi̍t ê lâng khóo khǹg bô khah tsua̍h 
别侬的话拢毋听 
pa̍t lâng --ê uē lóng m̄ thiann 
一心戆戆陪汝行 
it sim gōng-gōng puê lí kiânn 
爱是咬着耳空苦涩的情歌 
ài sī kā tio̍k hī khang khóo sik --ê tsîng-kua 
我的心内有针欲喝煞无声 
guá --ê sim lāi ū tsiam beh huah suah bô-siann 
目睭起着大涌毋愿予侬看 
ba̍k-tsiu khí tio̍k tuā íng m̄-guān hōo lâng khuànn 
胸坎留着汝的芳 
hing-khám lâu tio̍k lí --ê phang 
粉红色玫瑰的芳 
hún-âng sik muî kuì --ê phang 
虽然一场空，往事已经有价值 
sui-jiân tsi̍t tiûnn khang óng-sū í king ū kè ta̍t 
我的心内有针欲喝煞无声 
guá --ê sim lāi ū tsiam beh huah suah bô-siann 
原来咱爱一个侬苦劝无较差 
guân-lâi lán ài tsi̍t ê lâng khóo khǹg bô khah tsua̍h 
别侬的话拢毋听 
pa̍t-lâng ê uē lóng m̄ thiann 
一心戆戆陪汝行 
it sim gōng-gōng puê lí kiânn 
爱是倔强的情歌 ài sī ku̍t kióng --ê tsîng-kua 
目屎流过笑容的情歌 ba̍k-sái lâu kuè tshiò iông ê tsîng-kua

送TA礼物

IP属地:浙江