香香苟芸慧晒线抢镜　君馨讲明唔会退出

艺员王君馨（Grace）与老公Daniel今日在赤柱美国会设宴庆祝新婚及12周年纪念，中午先与一班好姊妹包括岑丽香、苟芸慧等到铜锣湾食wedding lunch，并在big big channel开直播与粉丝互动，同大家分享新婚喜悦。以白色喱士Bra Top透视装示人嘅Grace，索爆现身同网民say hi，并感谢大家嘅祝福，又兴奋地大嗌：「今日就系我结婚嘅大日子啦！」睇嚟章太心情靓爆！
直播中唔少网民留言送上祝福，仲趁机「催生」，叫Grace同老公快啲开枝散叶，但Grace自爆两年后先有生仔计划，仲大派定心丸话婚后唔会息影，嚟紧9月就会开拍新剧，她说：「我系唔会退出㗎，嚟紧9月要开新剧，17日大家就可以喺《超时空男臣》见到我啦！」果然事业心重！随后Grace介绍一班索爆姊妹团，当中岑丽香及茍芸慧（苟姑娘）性感晒线劲吸睛，而人妻李亚男亦着上低胸裙，不过亚男就透露老公王祖蓝搭紧飞机返嚟，难怪唔见佢哋孖公仔出现啦！原来今日仲系裕美同苟姑娘嘅生日，真系喜上加喜！
Grace又带粉丝睇午宴的甜品，笑言是相机食先：「场地觉得我唔够Sweet呀，所以准备咗好多甜品畀我哋！」最后亦不忘与一众姊妹与粉丝say goodbye：「大家下次见，不过下次唔系我结婚啦，唔知系边个姊妹结婚呢？大家估吓先啦！」

除咗王君馨（左三）晒性感之外，仲有岑丽香同苟芸慧齐齐晒线吸睛。