【LAM】真正嘅歌手、艺术家 —— 林子祥

可以睇到林子祥40周年演唱会可以话系了左一个心愿，但遗憾嘅系资金有限只可以买山顶位，从第一次听啊lam嘅歌到依家起码有20年。（我24岁）
从一首《十分十二寸》作为开场曲，用两个形容，“震撼”！啊lam成70岁啦，仲可以爆发出超高音，而且从黎唔需要用假声，讲音域，香港应该无一个歌手广阔得过佢。呢排开巡回，要彩排，又用超高音黎唱，讲野嘅时候把声已经有d沙，真系有d心痛。
一个真正嘅歌手，唔系靠包装，唔系靠炒作，2个几钟嘅演唱会，几乎系无停过去唱，而且佢嘅歌难度相当大，即使一个年轻嘅歌手都未必做到，如果你唔知佢年龄，斋听佢唱，呢种爆发力你点都估唔到佢已经系一个70岁嘅人，讲实力，真系唔可以唔佩服啊lam！
啊lam嘅歌，有激昂，亦有深情，听住佢唱，勾起左好多回忆。呢场演唱会虽然唔系100%水准发挥，但都接近完美，毕竟老啦，但作为一位歌手嘅态度，以及专业，敬业，系摞足100分！其中《数字人生》《敢爱敢做》高音嘅爆发力已经好犀利，但一首《男儿当自强》结尾爆发出黎嘅高音，简直叹为观止！《最爱是谁》《千亿个夜晚》《分分钟需要你》《千枝针刺在心》呢d情歌，总有几首打动你。
开完40周年演唱会，唔知仲会唔会开，所以点都睇左呢场先，起码我都叫做有见证过啊lam嘅演唱会。