很多人可以成為好兄弟，其中一個原因是大家有着同樣的經歷。就像許家傑（Jack）和何君誠（Quinn），先後參選《香港先生》出道，相識於微時，令他們都十分珍惜這段友情。許家傑說：「雖然我哋唔係成日見面，但係一有機會坐埋聚吓，乜都會傾一餐㗎！」今日，真的傾餐飽！
替對方高興
兄弟飯局，地點Bora Seafood是許家傑挑選的，「嚟過呢度幾次食嘢，覺得幾舒服，有室外同室內嘅地方，仲有Live Band㖭！我哋男仔梗係食肉為主，呢度啲扒亦唔錯，啱晒啦！」許家傑說：「我細細個住村屋，比較少食龍蝦、西餐，又偏愛食肉，可能係咁，我依家會鍾意食西餐多啲。」和許家傑不一樣，何君誠偏愛吃蔬菜，所以一碟火焰龍蝦放在面前，各有所愛，完全不會爭食。
從《香港先生》開始，許家傑和何君誠都經歷過行行企企的路人甲乙丙階段，而目前大家的工作量多了，曝光率亦高了，雖然未上位，但亦不禁為對方高興。最近許家傑在《愛．回家之開心速遞》中的角色「送水輝」成功入屋，由原本客串幾集的戲份，變得愈演愈有。「好多謝導演同編劇畀呢個機會，我仲好開心得到觀眾嘅喜愛，因為有觀眾鍾意『送水輝』，先至有得繼續做落去，我好感恩㗎。我亦相信機會係留畀勤力嘅人，好多前輩教我嘅嘢、我會努力去做，一定要不停去裝備自己先會做得好，譬如之前去學拉丁舞，一星期學足5日，我唔介意犧牲時間，而目前我亦Fix咗每一日要做嘅嘢，就係健身。」許家傑說完，Show一Show手瓜，坐在一旁的何君誠笑說：「係真㗎，佢專心做一件事時，真係好多嘢都放埋一邊㗎！」
肯擔起頭家
其實，何君誠又未嘗不是一個專心做事的男人！在許家傑口中，何君誠簡直就是現代的曾Sir，如果有興趣的事情，他就會不停深究，譬如他曾在家整一個摩打出來，為自己座駕噴油，亦試過砌一架遙控飛機等等，十分厲害！「我好欣賞君誠，非常好學又博學，而呢個精神唔只喺工作上，喺生活上都係咁！仲有佢率直嘅性格，我唔鍾意一啲收收埋埋嘅人，不過有時我會覺得佢過分杞人憂天，令到自己繃緊咗，亦有可能係佢太多諗法又太鍾意分析，所以冇時間令自己放鬆！」許家傑對何君誠有讚冇彈，兩兄弟惺惺相惜，何君誠亦十分喜歡許家傑的真性情、待人的直接。
「我係一個比較會幫人諗嘅人，可能有時會忽略自己，而家傑係一個情緒好直接嘅人，呢樣嘢我亦都要學習，對演戲亦可能有幫助。做藝員呢一行，其實係同時間競賽，最無保障嘅行業，呢個年紀仲可以做小生，可能老咗就只能做甘草，所以我哋要知道自己個袋裏面，袋咗有幾多子彈。」何君誠的目標是做主角，照顧所有家人、給家人最好的。說到「家」，許家傑與何君誠都突然正經起來、更滔滔不絕！肯擔起頭家的男人，值得欣賞。
替對方高興
兄弟飯局，地點Bora Seafood是許家傑挑選的，「嚟過呢度幾次食嘢，覺得幾舒服，有室外同室內嘅地方，仲有Live Band㖭！我哋男仔梗係食肉為主，呢度啲扒亦唔錯，啱晒啦！」許家傑說：「我細細個住村屋，比較少食龍蝦、西餐，又偏愛食肉，可能係咁，我依家會鍾意食西餐多啲。」和許家傑不一樣，何君誠偏愛吃蔬菜，所以一碟火焰龍蝦放在面前，各有所愛，完全不會爭食。
從《香港先生》開始，許家傑和何君誠都經歷過行行企企的路人甲乙丙階段，而目前大家的工作量多了，曝光率亦高了，雖然未上位，但亦不禁為對方高興。最近許家傑在《愛．回家之開心速遞》中的角色「送水輝」成功入屋，由原本客串幾集的戲份，變得愈演愈有。「好多謝導演同編劇畀呢個機會，我仲好開心得到觀眾嘅喜愛，因為有觀眾鍾意『送水輝』，先至有得繼續做落去，我好感恩㗎。我亦相信機會係留畀勤力嘅人，好多前輩教我嘅嘢、我會努力去做，一定要不停去裝備自己先會做得好，譬如之前去學拉丁舞，一星期學足5日，我唔介意犧牲時間，而目前我亦Fix咗每一日要做嘅嘢，就係健身。」許家傑說完，Show一Show手瓜，坐在一旁的何君誠笑說：「係真㗎，佢專心做一件事時，真係好多嘢都放埋一邊㗎！」
肯擔起頭家
其實，何君誠又未嘗不是一個專心做事的男人！在許家傑口中，何君誠簡直就是現代的曾Sir，如果有興趣的事情，他就會不停深究，譬如他曾在家整一個摩打出來，為自己座駕噴油，亦試過砌一架遙控飛機等等，十分厲害！「我好欣賞君誠，非常好學又博學，而呢個精神唔只喺工作上，喺生活上都係咁！仲有佢率直嘅性格，我唔鍾意一啲收收埋埋嘅人，不過有時我會覺得佢過分杞人憂天，令到自己繃緊咗，亦有可能係佢太多諗法又太鍾意分析，所以冇時間令自己放鬆！」許家傑對何君誠有讚冇彈，兩兄弟惺惺相惜，何君誠亦十分喜歡許家傑的真性情、待人的直接。
「我係一個比較會幫人諗嘅人，可能有時會忽略自己，而家傑係一個情緒好直接嘅人，呢樣嘢我亦都要學習，對演戲亦可能有幫助。做藝員呢一行，其實係同時間競賽，最無保障嘅行業，呢個年紀仲可以做小生，可能老咗就只能做甘草，所以我哋要知道自己個袋裏面，袋咗有幾多子彈。」何君誠的目標是做主角，照顧所有家人、給家人最好的。說到「家」，許家傑與何君誠都突然正經起來、更滔滔不絕！肯擔起頭家的男人，值得欣賞。
記过
