「公公」黃浩然、黎耀祥、曹永廉、蕭正楠拍TVB旅遊節目《公公出埠》奉旨度假,但原來拍攝其間一度發生問題,嚴重程度絕對考驗到兄弟情。事隔多月,口多多的蕭正楠繼續撩事鬥非,矛頭指向52歲的曹永廉,「有人更年期潮熱,情緒不穩喺鏡頭前都亂咁發脾氣!」黃浩然即接力:「係,好似發脾氣係應份咁,所以我哋照玩佢!」直認20年前曾經火氣猛的曹永廉竟被兩隻大頑童收服,沒好氣說:「當場我係有爆粗,但佢哋無理,呢兩兄弟口衰、無賴到一個點。但我冇隔夜仇,過後就冇事。」
險「反面」的源頭,係因為當日曹永廉抱病開工,卻被蕭正楠及黃浩然如飛蚊式的纏擾,覺得好煩,唯有用粗口來「提醒」,阿廉說:「我人老嘞,以前我好勁連古惑仔都唔驚,o依家我唔夠佢哋打真係冇辦法,唯有係嬲,但無嘢嘅好少事啫,大家做兄弟有咩開心唔開心咪講出嚟,點知佢哋繼續當我死咁。」蕭正楠卻說:「有人『小腸氣』!第一次遇到咁情形,開機喎點搞佢(發脾氣)呢?唯有以笑化咗件事,繼續笑佢。不過,經此一役令我哋知道個底線位,幾兄弟呢頭講完笑呢頭散,但取笑佢又矮又老又唔死,節目出街佢啲仔女睇到會點睇爸爸呢?啱嘅,佢都想喺仔女面前威吓啫。」
祥仔逐個評
黃浩然搞鬼說:「如果我連佢都對付唔到,我仲使出嚟搵食嘅!」曹永廉直斥蕭正楠:「佢有啲嘢好似大個仔咁,有啲嘢都未得!其實大家平日食飯見面同拍嘢唔同,拍嘢可能未必配合到,而且我容易發脾氣。」 祥仔形容四人能表現真感情,兄弟間互補不足,他說:「我係師傅;曹永廉係契哥;黃浩然蝦蝦霸霸,將自己快樂建築喺別人痛苦之上嘅頑童;蕭正楠轉數快愛說笑係阿福。」他還提議再下一城去瑞士,玩宿營玩野外求生。
險「反面」的源頭,係因為當日曹永廉抱病開工,卻被蕭正楠及黃浩然如飛蚊式的纏擾,覺得好煩,唯有用粗口來「提醒」,阿廉說:「我人老嘞,以前我好勁連古惑仔都唔驚,o依家我唔夠佢哋打真係冇辦法,唯有係嬲,但無嘢嘅好少事啫,大家做兄弟有咩開心唔開心咪講出嚟,點知佢哋繼續當我死咁。」蕭正楠卻說:「有人『小腸氣』!第一次遇到咁情形,開機喎點搞佢(發脾氣)呢?唯有以笑化咗件事,繼續笑佢。不過,經此一役令我哋知道個底線位,幾兄弟呢頭講完笑呢頭散,但取笑佢又矮又老又唔死,節目出街佢啲仔女睇到會點睇爸爸呢?啱嘅,佢都想喺仔女面前威吓啫。」
祥仔逐個評
黃浩然搞鬼說:「如果我連佢都對付唔到,我仲使出嚟搵食嘅!」曹永廉直斥蕭正楠:「佢有啲嘢好似大個仔咁,有啲嘢都未得!其實大家平日食飯見面同拍嘢唔同,拍嘢可能未必配合到,而且我容易發脾氣。」 祥仔形容四人能表現真感情,兄弟間互補不足,他說:「我係師傅;曹永廉係契哥;黃浩然蝦蝦霸霸,將自己快樂建築喺別人痛苦之上嘅頑童;蕭正楠轉數快愛說笑係阿福。」他還提議再下一城去瑞士,玩宿營玩野外求生。