2012年落選港姐尤蔭蔭最近簽約有線主持娛樂新聞，事業上有新發展，感情亦有着落。早前被發現入紙申請與美籍台灣人梁揚提結婚，不過最終因為尤家家人反對，蔭蔭決定將婚事押後，結果幾乎與男友分手！ 蔭蔭接受東網訪問時坦言：「當初決定唔結婚住，佢同我都有唔開心。（唔驚甩拖？）話唔結婚時都差啲（分手）㗎喇，好彩後來大家都諗通咗，男友依家諗住先返美國搵份穩定嘅工作，我就想佢快啲搞掂返嚟娶我，希望係出年嘅事啦，呢啲嘢都冇理由拖咁耐。」 家人覺得蔭蔭年紀輕 今次婚事「觸礁」，26歲的蔭蔭對外聲稱家人覺得她還年輕，故反對婚事，但據悉蔭䕃男友條件雖然較一般打工仔好，不過在港生活期間工作、收入都未算太穩定，而尤家家底不錯，蔭蔭父母不放心將女兒交給對方，故希望蔭蔭先找得穩定工作再談婚論嫁，夾在中間的蔭蔭亦因此感到無奈。
