郑衍峰攞正牌对住冯盈盈　晒相公布大事！
艺人冯盈盈同郑衍峰嘅“恋情”疑幻似真，虽然两个把口成日都唔认，不过成日喺社交网晒“恩爱”！今日郑衍峰喺社交网上载一张同盈盈嘅合照，见佢两个含情默默咁望镜头，隔篱仲有个心心，唔通真系公布恋情？
原来只系郑衍峰宣布加盟无綫节目《#后生仔倾吓偈#》其中一个叫“乜恋都倾”嘅环节，同成班后生仔倾吓爱情观：“想当年（～七年前），我在加拿大中文电台开咪嘅时候，构思咗一个深宵爱情节目叫做《恋love廿四》，今时今日，有幸继续同大家喺 #后生仔倾吓偈，逢星期二晚讲爱情，真正乱噏廿四，总之~~《乜恋都倾》!!!!!!”唔少网友笑言唔睇文字，以为佢公布恋情，亦有网友指两个今次攞正牌，拍住上齐齐开工！
郑衍峰亦向东网表示同冯盈盈有默契：“大家始终都系Friend，节目内外都有默契，所以构成呢个环节，咁当然我地两个都玩得，讲咩都无所谓嘅。”