睇咗呢個吧咁多個post，發現好多爭拗，都無非係各拉山頭。廣西朋友想喺廣東人嘅貼吧做大。廣東珠三角呢邊又唔忿頸。我作為一個香港人，而家喺大陸居住。由我嚟講番句公道說話。其實，冇人否認過廣西唔係粵語區，亦都冇人認為得廣州或者香港先講廣東話。但係作為廣東人開創嘅貼吧，以廣東同埋廣州嘅廣東話作為主要題目，又係正常嘅。等於我哋香港人，亦都唔可能踩入廣東或者廣西人嘅場，大大聲話港式粵語先係正宗。其實應該擺平返小小心態。係咪先？