虽然今年剧平均水平好一般，依家唯一坐等新闻女王了。但系视帝点都轮唔到何广沛挂？？？
二陈一马都算正常发挥，实在无人，比佢哋是但一个二封都无咩意见，只可以话无聊无惊喜，观众唔至于炸型闹将军澳发大水。个人觉得陈mo 同马嘅可能性大啲
畀何广沛嘅话真系劲搞笑咯，男一角色大夫入面辜清劲完全比蔡思贝压低晒，人设又唔好，点畀视帝啊大佬。
今年无太子等著上位，係捧人好时机，何广沛好似黎紧都无开咩剧，上一次听到都仲係喺非常检控观客串单元男主，帮朱凌凌做配。飞常日志，企业强人，巾帼枭雄都好似无（有漏嘅可以补充纠正），感觉唔似要捧佢上位。
张振朗同周嘉洛真系……一言难尽，唔争气。本来觉得今年佢哋真係有可能争一下，尤其是年初乐10仲点过名嘅力捧四小生之一，尤其张振朗仲以为佢会係坐等视帝。点知，睇完罗密欧同petpet 就已经觉得周嘉洛提前out了，张嘅灵戏又无咩惊喜，两个都真系嘥晒。
不过如果一定要硬捧一个上位，我宁愿佢两个攞都好过捧何。