越头看，
阿爸是山。
山是爱，
山是情，
一日一暝饲阮变大汉。
阿爸是天，
天是疼，
天是惜，
一点一滴爱阮兰性命。
细汉仔，
辛苦将阮晟，
粗粗的双手，
用心将阮教，
教阮识道理，
乎阮读书一箩筐，
做人道理总是亲身做乎阮来看。
陪阮身躯边，
乎阮袂惊袂搁哭，
甲阮惜命命，
疼阮亲像性命。
感谢阿爸的爱，
每一摆生病的时阵，
拢有你来照顾，
有你爱来甲阮惜。
每一摆乎人欺负的时阵，
拢有你来保护，
乎阮感觉袂搁再惊慌。
一双筷子，一个碗，
拢有阿爸，你爱阮的形影。
你的目屎甲汗，
为阮今生无悔的拖磨，
乎阮永远记置类心肝顶。
感谢人生的路途上遇到你，
阿爸，
因为你，
人生的路途才有这多美好的记忆。
你的疼爱，
是阮这世人最大的福气。
希望后世人，
换阮为你来拖磨。