【最爱KAY型】個肚肚好大，快要生噶😈

出去吃飯被記著影到啦

#春节表情包#

巨肚Kay大埔食雞煲愛妻號張繼聰呆等接老婆
今年39歲嘅謝安琪(Kay)喺上年9月宣佈陀B三個月，成功湊成一個「好」字。早前亦多次被影到同老公張繼聰行街街，阿聰又大讚阿Kay喺屋企仲係好賢淑，又心痛老婆陀呢胎比上次辛苦。喺今年1月，阿聰同阿Kay結婚十周年，阿聰喺facebook爆seed晒恩愛：「能夠有如此靈魂伴侶，讓這趟地球之旅變得幸福完滿。」
多數孕婦胃口都特別好，成日都想食嘢，都啱嘅，吸收多啲營餐畀自己同BB嘛。挺住巨肚嘅阿Kay日前就被影到，喺晚上9點半左右現身大埔一間雞煲店同一班朋友開餐。
阿Kay同大約五、六個朋友食雞煲，見到阿Kay全程同朋友有傾有講，亦都好開胃，不過就唔見愛妻號張繼聰。到晚上10點左右，阿聰終於現身喇，佢單拖喺雞煲店附近行過，仲入去便利店買嘢飲，期間有途人認到阿聰，仲好興奮咁同朋友分享，不過就冇搵佢自拍。阿聰買完嘢飲，冇入去雞煲店陪住阿Kay，只係一個人靜靜咁上車，純粹等老婆食完接佢返屋企，呢啲咪就係愛妻號嘅典範。
到晚上10點十五分左右，阿Kay腹大便便咁同一班朋友步出餐廳門口。Kay同朋友keep住好好傾，仲有位朋友陪住佢等阿聰o添！等阿聰嘅期間阿Kay發現記者，佢心情好好，笑住同記者揮揮手，之後就上咗車同阿聰一齊返去大埔住所。

佗B七個月出巡！巨肚謝安琪索到冇人有！
圈中模範夫妻張繼聰與謝安琪（Kay）去年宣布再度有喜，現時佗B女超過7個月的Kay今年要大住肚過年，據知她的預產期是今年3月。最近密密做賺奶粉錢的阿聰，今年年初一至年初三都有假放，向來錫太太的他就把握機會做住家男，陪Kay在家中安胎。而粗身大勢的Kay亦未有放下賢妻的職責，除了一手一腳去準備賀年用品外，亦會四處出席家庭的聚會。
全家出動勁有氣勢
初三赤口不宜拜年，Kay與阿聰、囝囝張瞻、阿聰父母及Kay母親就選擇一家六口出外享家庭樂，非常溫馨！東網獨家捕獲到他們初三晚乘坐駕抵達九展，六人落車後一字排開前行，氣勢十足。
貪靚的Kay依然穿上了她最愛的厚底鞋，又着到紅噹噹兼綁了鬢辮仔，非常少女。挺着巨肚的她上圍似乎亦有所增長，從側面睇她的身形更似足「S」字，不過保養得好的她仲係面尖尖、皮膚好靚，手手腳腳都沒有浮腫，簡直是「最靚孕婦」！
係咁打招呼勁Nice
阿聰發現記者時都有啲愕然，相反Kay就大方向記者揮手打招呼，之後阿聰就拖實Kay與其他家人去到酒樓開餐，期間被不少市民認出，親民的Kay亦紛紛向他們揮手，像女皇出巡一樣！Kay與阿聰等食飽飯後，就移步到戲院捧阿聰場，觀看由阿聰配音的動畫。